Rossiya kimyoviy qurollar zaxirasining yana 6,5 foizini yo‘q qilishi kerak

Rossiya o‘z kimyoviy qurollari zaxirasining yana 6,5 foizini yo‘q qilishi kerak. Bu haqda Kimyoviy qurolni xavfsiz tarzda saqlash va yo‘q qilish federal boshqarmasi boshlig‘i Valeriy Kapashin ma’lum qildi, deb yozadi “TASS”.

Foto: “Topwar.ru”

Aprelda Kapashin Rossiyada 37 ming tonnadan ortiq zaharli moddalarni yo‘q qilib bo‘lishganini, bu mavjud zaxiralarning qariyb 93 foiziga teng ekanligini aytgan edi.
Uning so‘zlariga ko‘ra, ayni paytda yo‘q qilish sur’atlari pasaygan, chunki artilleriya o‘q-dorilarini tugatish ishlari bormoqda. “Bu tonnalab yo‘q qilinadigan aviatsiya o‘q-dorilari emas, bu yerda grammda o‘lchanadi. Shu tufayli jarayon og‘ir va sust bormoqda. Ammo 2018-yil dekabrigacha biz barchasini yo‘q qilib bo‘lamiz”, — dedi Kapashin.
Batafsil | Подробно | Read more... Daryo