OAV: Apple elektromobillar uchun quvvatlash stansiyalarini ishlab chiqishga kirishdi

Apple kompaniyasi elektromobillarni quvvatlantirish usullarini o‘rganib, zaryadlovchi stansiyalarni ishlab chiqaradigan kompaniyalardan konsultatsiyalar olishni va ushbu sohani yaxshi biladigan odamlarni yollashni boshladi, deb yozadi TJournal Reuters’ga tayanib.

Foto: TJournal

Agentlik ta’kidlashicha, Apple o‘z mashinasini yaratish uchun axborotga ega bo‘lishga intilmoqda.
Jahon miqyosidagi qurilish kompaniyalaridan biri Apple’ga o‘z stansiyalar tarmog‘ini barpo etish bo‘yicha xizmatlarini taklif qilishga ulgurdi. Shunga o‘xshash tijorat tarmog‘i Tesla’da ham bor.
Apple’dagilar izoh berishdan bosh tortdi. Apple muzokaralar olib borayotgan bo‘lishi mumkin bo‘lgan kompaniyalar ham bu borada biron narsa aytishga unamadi.
Batafsil | Подробно | Read more... Daryo