Samsung navbatdagi fabletini Galaxy Note 6 emas, Galaxy Note 7 deb nomlashi mumkin

Samsung’ning navbatdagi flagman fableti Galaxy Note 6 o‘rniga Note 7 nomini olishi mumkin, deb yozadi 3DNews Janubiy Koreyadagi manbalariga tayanib. So‘nggi mish-mishlarga ko‘ra, uning rasmiy taqdimoti joriy yilning avgust oyi o‘rtalarida bo‘lib o‘tadi.

Foto: 3DNews

Ishlab chiqaruvchi qurilmalar avlodini raqamlashda “6” raqamini tushirib qoldirishga nima sababdan qaror qilgani (agar ma’lumot ishonchli bo‘lsa, albatta)ni anglash qiyin emas, deb yozadi nashr. Birinchidan “olti” kompaniyaning model qatorida chalkashlikni keltirib chiqarishi mumkin, axir uning hozirda ommabop bo‘lgan smartfoni Galaxy S7 nomiga ega. Ikkinchidan, kompaniya raqobatchisi — Apple kuzda iPhone 7 Plus’ni taqdim etadi. U Galaxy Note seriyasidagi qurilmalarning bevosita raqibi bo‘lib, bunda Note 6 nomi noo‘rinroq bo‘lib qoladi.
Gap-so‘zlarga ko‘ra, Samsung Galaxy Note 7 5,8 dyuymli Quad HD-displey, 6 Gb tezkor va 256 gigabaytgacha ichki xotira, Samsung Exynos 8890 va Qualcomm Snapdragon 823 chiplariga ega bo‘ladi. Shuningdek, fabletning ikkala tomoni ham Galaxy S7 edge’dagi kabi qayrilma bo‘ladigan versiyasi ham chiqariladi.
Batafsil | Подробно | Read more... Daryo