G7 yetakchilari Yaponiyaning asosiy sintoiylik ibodatxonasida uchrashdi

Yaponiya bosh vaziri Sindzo Abe Xonsyu oroli janubidagi Mie prefekturasida taxminan III asrda asos solingan Ise ibodatxonasi ostonasida “Katta yettilik” sammiti ishtirokchilarini qarshi oldi, deb yozadi “RIA Novosti”.

Foto: Reuters

Ibodatxonaga birinchi bo‘lib Fransiya prezidenti Fransua Olland yetib keldi, so‘ng boshqa yetakchilar ham birin-ketin kirib keldi. Abe ularning barchasi bilan quchoqlashib ko‘rishdi, ammo eng so‘nggi bo‘lib kelgan AQSh prezidenti Barak Obama bilan qo‘l siqishib qo‘ydi, xolos.
Ibodatxona qabulxonasida yetakchilar bir-biri bilan salomlashdi va yapon kedrlarini ekish jarayonida qatnashdi.
Yaponiya bosh vaziri tanlagan joy OAVlarda turli munosabatlarni keltirib chiqardi. Ammo Tokio Abe “yettilik” yetakchilarining sintoiylik ibodatxonasiga tashrifidan siyosiy foyda olishni ko‘zlayotgani haqidagi taxminlarni rad etdi.
Batafsil | Подробно | Read more... Daryo