“Rossiya 1” telekanali O‘zbekistonni Tojikiston bilan adashtirdi

“Rossiya 1” telekanali o‘zining “Vesti” axborot dasturida O‘zbekistonni Tojikiston bilan adashtirib yubordi . Bu haqda ijtimoiy tarmoqlarda ko‘plab xabarlar qoldirilgan.

Kadr: “Vesti”

Xatolikka dasturning Shanxay hamkorlik tashkiloti Tashqi ishlar vazirlari kengashining 24-may kuni Toshkentda bo‘lib o‘tgan yig‘ilishi yakunlariga bag‘ishlangan lavhasida yo‘l qo‘yilgan.
Rossiya tashqi ishlar vaziri Sergey Lavrov yig‘ilish yakunlari haqida jurnalistlarga intervyu berayotganida, “Rossiya 1” telekanali “Tojikiston” degan yorliqni ko‘rsatib turgan. Mazkur lavha dasturning 13-daqiqasidan boshlanadi.
Qayd etish joiz, bu Rossiya televideniyesining O‘zbekistonga nisbatan birinchi marta xato qilishi emas. Sochida bo‘lib o‘tgan 2014-yilgi qishki Olimpiada o‘yinlari ochilishida rossiyalik sport sharhlovchisi Dmitriy Guberniyev O‘zbekiston termasini Tojikiston deb tanishtirgan edi .
Batafsil | Подробно | Read more... Daryo