AQSh harbiylari 8 dyuymli disketlardan foydalanishdan 2017-yil oxiridagina voz kechishi bildirildi

Axborot saqlashning eskirgan uslublaridan foydalanishdan voz kechilayotganiga qaramay, AQSh harbiylari hozirgacha o‘tgan asrning 70-yillarida paydo bo‘lgan 8 dyuymli disketlardan foydalanib kelmoqda. Bu haqda TJournal xabar berdi . 

Foto: TJournal

AQSh Hisob palatasi hisobotiga ko‘ra, mamlakatning ayrim federal muassasalarida mutanosiblik uchun xizmat muddati ba’zan 50 yildan oshgan eski IT-tizimlari qo‘llanilmoqda. Masalan, AQSh moliya vazirligida buyruqlari foydanilayotgan qurilmaga bog‘liq bo‘lgan va unga to‘g‘ridan-to‘g‘ri kirishga imkon beruvchi assembler dasturlash tilida yozilgan dasturlar ishlatilmoqda. Faxriylar ishlari vazirligi, Adliya vazirligi, Ijtimoiy ta’minot ma’muriyatida 1959-yilda ishlab chiqilgan va hozirga qadar yangilanib kelinadigan COBOL tilida yozilgan dasturlar qo‘llaniladi. Buning uchun nafaqaga chiqib ketgan mutaxassislarni qayta ishga olishga to‘g‘ri kelmoqda.
AQSh mudofaa vazirligi milliy yadro qurollarining operatsion funksiyalarini muvofiqlashtiruvchi tizimda ma’lumotlarni saqlash uchun 8 dyuymli disketlardan foydalanmoqda. Gap shundaki, muassasa foydalanadigan IBM Series/1 kompyuterlarida manbalarning bundan bo‘lak saqlash uslublarini qo‘llab ham bo‘lmaydi. Vazirlik 2017-oxiriga kelibgina bu tizimga o‘zgartirishlar kiritish, ya’ni saqlashning yangi uslublaridan foydalanishga o‘tishni rejalashtirmoqda. 

Foto: TJournal

Shunga o‘xshash choralar boshqa tashkilotlarda ham kutilmoqda, biroq Faxriylar ishlari va moliya vazirliklarida yangi qurilmalarga o‘tishning aniq muddatlari belgilanmagan. 
Batafsil | Подробно | Read more... Daryo