Palmira yaqinida IShID tomonidan qiynab o‘ldirilgan aholi vakillari jasadi bo‘lgan manzil aniqlandi

Suriya armiyasi bo‘linmalari Palmira tarix-arxeologiya majmui yaqinida mintaqa okkupatsiya qilingan vaqtda IShID jangarilari tomonidan qiynab o‘ldirilgan o‘nlab tinch aholi vakillari jasadi bo‘lgan manzilni aniqladi. Bu haqda “TASS” xabar bermoqda . 

Foto: “TASS”

Mahalliy aeroport g‘arbidagi mozordan 31 kishi, jumladan, ayol va bolaning jasadi chiqarib olingan. Suriya politsiyasi vakiliga ko‘ra, o‘limi oldidan qiynoq, tahqirlashlarga duch kelgan fuqarolarning jasadlarida hozirgacha buning izlari bilinib turibdi. Ulardan bir necha nafarining kallasi tanasidan judo qilingan. 
1-aprel kuni Palmira ham tarkibiga kiruvchi Tadmor shahri shimoli-sharqidagi al-Jaxiziya dahasida terrorchilar tomonidan qiynoqqa solingan 40 kishining jasadi topilgandi. 
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo