General Motors Xitoyda sotilgan 2 milliondan ortiq avtomobilni klapan tizimidagi nuqson tufayli ta’mirdan o‘tkazadi

AQShning General Motors konserni va Shanxay avtomobil-sanoat korporatsiyasi (SAIC) hamkorligida tashkil etilgan qo‘shma korxona Xitoyda 2,16 million avtomobilni karter klapanlari tizimidagi nuqson bois ta’mirlash uchun chaqirib olmoqda. Bu haqda, XXR sifat nazorati, tekshiruv va karantin bo‘yicha davlat boshqarmasi axborotiga tayanib, “TASS” yozmoqda .

Foto: Reuters

Aytilishicha, aniqlangan kamchilik dvigatelda yemirilish keltirib chiqarib, uni to‘xtatib qo‘yishi mumkin. Ta’mirga 2009–2015-yillarda ishlab chiqarilgan Buick Excelle, Chevy Cruze va Chevy Epica rusumlaridagi avtomobillar qabul qilinadi.
Kompaniya qabul qilingan mashinalarda o‘z hisobidan dasturiy ta’minot modernizatsiyasini o‘tkazib, tegishli nuqsonlarni bartaraf etadi.
Batafsil | Подробно | Read more... Daryo