Dog‘istonda yer ko‘chishidan so‘ng 1200 yillik qabr topildi

Dog‘istonning Kazbek tumani Almak qishlog‘ida arxeologlar to‘rt kishi, jumladan bolalarning murdasi bo‘lgan o‘rta asrlarga tegishli sag‘anani aniqladi, deya xabar bermoqda “Interfaks” respublika axborot siyosati boshqarmasiga tayanib.

Foto: “Express-k.kz”

“Uzunligi 3 metr, eni 1,1 metr va balandligi ham taxminan shunday bo‘lgan sag‘ana kuchli yomg‘ir natijasida sodir bo‘lgan yer o‘pirilishidan so‘ng mahalliy aholi tomonidan topib olingan. Sag‘anaga kirish joyini to‘liq yopib turgan plita sirg‘anib ketib, maqbara ochilib qolgan. Qabristonning yoshi 1200 yil deb taxmin etilmoqda”, — dedi boshqarma vakili.
Olimlar fikricha, arxeologik dafn yodgorligi eramizning birinchi ming yilligi ikkinchi yarmiga, ehtimol ming yillik chegarasiga yaqin davrga taalluqli.
Ularning so‘zlariga ko‘ra, yaqin orada boshqa dafn inshootlari ham topilgan, ammo ular yaxshi saqlanmagan va kichikroq hajmda bo‘lgan. Ularning barchasi yer ko‘chishi va tuproq nurashidan keyin aniqlanmoqda.
Batafsil | Подробно | Read more... Daryo