G7 yetakchilari Rossiyaga nisbatan sanksiyalarni saqlash yuzasidan fikr bildirdi

G7 yetakchilari Qrim qo‘shib olingandan so‘ng Rossiyaga nisbatan amal qilayotgan sanksiyalarni saqlash yuzasidan fikr bildirdi. Bu haqda, G7 sammitining Yaponiyada qabul qilingan deklaratsiyasiga tayanib, “Gazeta.ru” xabar beradi .

Foto: Reuters

“Biz Rossiyaga qarshi sanksiyalarning uzaytirilishi Moskvaning Minsk kelishuvini to‘liq bajarishi va Ukraina suverenitetini hurmat qilishi bilan bog‘liq ekanligini tasdiqlaymiz. Rossiya zimmasiga olgan majburiyatlarni to‘liq bajargandan so‘ng sanksiyalar bekor qilinishi mumkin. Shu bilan bir paytda agar Rossiyaning harakatlari shuni talab etsa, biz bundan keyin ham cheklovchi choralarni joriy etishga tayyormiz”, — deyiladi deklaratsiyada.
Shuningdek, G7 mamlakatlari Rossiya bilan muzokaralarni davom ettirishning muhimligini tan oldi.
Deklaratsiyada G7 rahbarlari Ukrainadagi inqirozni xalqaro huquqqa rioya etgan holda diplomatik yo‘l bilan tartibga solish zarurligini tasdiqlaganligi ta’kidlanadi.
Eslatib o‘tamiz, kuni kecha, 26-may kuni Yaponiyada G7 sammiti boshlanganligi haqida xabar berilgan edi.
Batafsil | Подробно | Read more... Daryo