Toshkentda 28-may kuni yomg‘ir yog‘adi va momaqaldiroq bo‘ladi

O‘zbekiston ba’zi hududlarida 28-may, shanba kuni yomg‘ir yog‘adi, momaqaldiroq bo‘ladi, shamolning tezligi kuchayadi. Bu haqda “O‘zgidromet” markazi xabar bermoqda .

Foto: “Afisha” / Yuriy Korsuntsev

Xabar berishlaricha, 28-mayga o‘tar kechasi O‘zbekistonning tog‘li hududlarida havo harorati +10…+15 daraja, Farg‘ona vodiysi hamda Toshkent, Samarqand, Jizzax, Sirdaryo hamda viloyatlarida, shuningdek, Toshkent shahrida +18…+20 daraja iliq bo‘ladi.
Qoraqalpog‘iston Respublikasi, Xorazm, Buxoro, Navoiy, Qashqadaryo va Surxondaryo viloyatlarida kechasi havo harorati +22…+25 darajagacha iliq bo‘lishi kutilmoqda.
28-may kuni kunduzi mamlakatning tog‘li hududlarida havo harorati +20…+25 daraja iliq bo‘ladi; Farg‘ona vodiysi viloyatlari va Toshkent shahrida +32 darajagacha, Toshkent, Samarqand, Jizzax, Sirdaryo viloyatlarida +35 darajagacha, Qoraqalpog‘iston va Xorazmda +38 darajagacha, Buxoro, Navoiy, Qashqadaryo va Surxondaryoda esa +39 darajagacha ko‘tariladi.
Shanba kuni O‘zbekistonning tog‘li hududlarida, Toshkent, Samarqand, Jizzax, Sirdaryo, Andijon, Namangan, Farg‘ona viloyatlari va Toshkent shahrida qisqa muddat yomg‘ir yog‘ishi, momaqaldiroq bo‘lishi, shamolning tezligi kuchayishi kutilmoqda.
Qoraqalpog‘iston Respublikasi, Xorazm, Buxoro, Navoiy, Qashqadaryo va Surxondaryo viloyatlarida yog‘ingarchilik kutilmaydi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, ob-havo ma’lumotlaridan ovozli ko‘rinishda xabardor bo‘lishingiz mumkin.
Batafsil | Подробно | Read more... Daryo