Yevropa Ittifoqi KXDRga qarshi sanksiyalarni kuchaytiradi

Yevropa Ittifoqi kengashi 27-may, juma kuni Shimoliy Koreyaga nisbatan qo‘shimcha cheklovchi choralarni qabul qildi. Bu haqda, kengash matbuot xizmati ma’lumotiga tayanib, “Interfaks” xabar bermoqda .

Foto: “Wikimedia.org”

“Ushbu choralar BMT Xavfsizlik Kengashi rezolyutsiyasiga muvofiq tarzda o‘rnatilgan sanksiyalar rejimini to‘ldiradi va kuchaytiradi”, — deyiladi bayonnomada.
YeI KXDRning yadro sohasi hamda ommaviy qirg‘in qurollari va ballistik raketalar sohasidagi dasturlariga qarshi cheklovchi choralarni kengaytirishga qaror qildi.
Savdo sohasida KXDRdan neft mahsulotlari va hashamatli buyumlarni import qilish, shuningdek, KXDR bilan savdo aylanmasida har qanday davlat moliyaviy ko‘magi taqiqlanmoqda.
KXDRning YeIdagi barcha investitsiyalari taqiqlanmoqda. YeIda mamlakatning kon sanoati, neftni qayta ishlash va kimyo sohasida faoliyat ko‘rsatuvchi tashkilotlar va fuqarolar, shuningdek, KXDRning noqonuniy dasturlarida ishtirok etayotgan har qanday korxona va tashkilotning investitsiyalariga taqiq e’lon qilindi.
YeI Kengashi qarori butun YeI hududi bo‘ylab KXDRda ishlab chiqarilgan yoki Shimoliy Koreyaning tashuvchisi tomonidan foydalanilayotgan har qanday samolyotning qo‘nishi, parvoz qilishi yoki uchib o‘tishini taqiqlaydi. Shuningdek, KXDRga tegishli yoki ushbu davlat tomonidan foydalanilayotgan yoki Shimoliy Koreya ekipajiga ega bo‘lgan har qanday kemaning YeI portlariga kirishiga taqiq joriy etildi.
Batafsil | Подробно | Read more... Daryo