Moskvada poyga uyushtirgan “Lukoyl” kompaniyasi vitse-prezidentining o‘g‘liga nisbatan jinoiy ish ochildi

Moskvada Mercedes Gelandewagen mashinasida poyga uyushtirgan “Lukoyl” kompaniyasi vitse-prezidentining o‘g‘li Ruslan Shamsuarovga nisbatan jinoiy ish ochildi. Bu haqda huquq-tartibot idoralaridagi manba ma’lum qilgan, deya xabar beradi “RBK”.

Foto: Facebook / Ruslan Shamsuarov

“Ruslan Shamsuarovga nisbatan ‘Bezorilik’ moddasi bo‘yicha jinoiy ish ochilgan. Ayni paytda u qidirilmoqda”, — deya ta’kidlagan mazkur manba. Rossiya IIV Moskva boshqarmasi matbuot kotibi Sofya Xotinaga ko‘ra esa, “jinoiy ish faqat haydovchiga ochilgan, ikkinchi shaxsga nisbatan qaror qabul qilinmagan”.
Moskva bo‘ylab uyushtirilgan poyga haqidagi ish avtomobil kabinasida olingan yozuv internetga joylangach jamoatchilik o‘rtasida ovoza bo‘lib ketdi. Gelandewagen mashinasida bo‘lgan bir guruh yigitlar va qiz politsiya xodimlari ko‘z o‘ngida yo‘l harakati qoidalarini namoyishkorona buzgan, so‘ng yuqori tezlikda ulardan yashirinishga harakat qilgandi. Shu bilan birga huquqbuzarlar bo‘lib o‘tayotgan hodisani Periscope internet-resursi orqali translyatsiya qilib borgan.
Batafsil | Подробно | Read more... Daryo