Finaldan keyin: Madrid, Zidan va Beylning muvaffaqiyatlari

Mavsum intixosiga sababchi — Yevropa Chempionlar Ligasining final uchrashuvi o‘z yakuniga yetdi va u yevrofutbol mavsumini yopib berdi. Yevro—2016 ga qadar Yevropada boshqa rasmiy bellashuvlar yo‘q.

UEFA rasmiy sayti



“Real” Yevropa Chempionlar Ligasida 11-bor g‘oliblikni qo‘lga kiritdi


Madrid
Milan shahridagi finaldan keyin Milan klublari Chempionlar Ligasida g‘oliblikni qo‘lga kiritish borasida Madrid shahri jamoalaridan ortda qolishni boshladi . Milan sharafini himoya qiluvchi “Inter” va “Milan” klublari finalga qadar 16 marta yetib kelgan bo‘lib, shularning 10 tasida bosh sovringa ega chiqqandi. Madrid shahri jamoalari esa 15 bor finalda ishtirok etib, shularning 11 tasida muvaffaqiyat qozongan.
Chempionlar Ligasida g‘olib chiqqan klublar shahri
Madrid 11 (“Real”11)
Milan 10 (“Milan” 7, “Inter” 3)
Myunxen 5 (“Bavariya” 5)
Barselona 5 (“Barselona” 5)
Liverpul 5 (“Liverpul” 5)
Zidan
“Real” klubi ustozi o‘zining debyut mavsumida Chempionlar Ligasi g‘olibligini qo‘lga kiritgan sakkizinchi murabbiyga aylandi . Undan avvalroq bunday mushkulotni Xose Vilyalonga (“Real”, 1956), Migel Munyos (“Real”, 1960), Toni Barton (“Aston Villa”, 1982), Jo Fegan (“Liverpul”, 1984), Gus Xiddink (“PSV”, 1988), Visente del Boske (“Real”, 2000), Xosep Gvardiola (“Barselona”, 2009) kabi mutaxassislar uddalay olgandi.
Zidan, shuningdek, ham futbolchi, ham murabbiy sifatida Chempionlar Ligasini yutgan yettinchi shaxsga aylandi. 2002-yil “qirollik klubi”ni futbolchi sifatida bosh sovrin sari boshlagan Zidan, oradan 14 yil o‘tib murabbiy sifatida shunga muvaffaq bo‘ldi. Bunday baxt Zidanga qadar Migel Munyos (“Real” — 1956 va 1957; “Real” — 1960 va 1966), Jovanni Trapattoni (“Milan” — 1963 va 1969; “Yuventus” — 1985), Yoxan Kruiff (“Ayaks” — 1971, 1972 va 1973; “Barselona” — 1992), Karlo Anchelotti (“Milan” — 1989 va 1990; “Milan” — 2003 va 2007, “Real” — 2014), Frank Raykard (“Milan” — 1989 va 1990; “Barselona” — 2006) hamda Xosep Gvardiola (“Barselona” — 1992; “Barselona” — 2009 va 2011) kabilarga nasib qilgandi.
Beyl
“Real” a’zosi Garet Beyl Chempionlar Ligasida ikki bor zafar quchgan uchinchi uelslikka aylanib oldi . Unga qadar Jozef Jons “Liverpul” bilan 1977 va 1978-yilgi mavsumda, Rayan Giggz esa “Manchester Yunayted” bilan 1999 va 2008-yilda g‘oliblikni qo‘lga kiritgandi.
Batafsil | Подробно | Read more... Daryo