Kiyevdagi fojiali yong‘in qurbonlari soni 17 kishiga yetdi

Bugun, 29-mayning erta soatlarida Kiyev viloyati, Brovarskiy tumani, Litochki qishlog‘idagi xususiy ikki qavatli uyda yong‘in kelib chiqdi . Keksa insonlar yashashi uchun vaqtinchalik boshpanaga aylantirilgan uyda istiqomat qiluvchi 35 kishidan 17 nafari fojia qurboniga aylandi. Yana ikki kishi og‘ir ahvolda shifoxonaga olib ketildi. “Segodnya.ua” voqea tafsilotlarini bayon etadi .

Foto: “Segodnya.ua”

Qutqaruvchilar aytib o‘tgan taxminga binoan, fojiaga televizor portlashi sabab bo‘lgani ehtimoli yuqori. Ammo bu qarash hozircha tasdig‘ini topmadi.
Ukraina prezidenti Pyotr Poroshenko fojia munosabati bilan o‘z hamdardligini bildirdi. Shuningdek, u jabrlanganlarga barcha zaruriy yordam ko‘rsatilishini topshirdi.

Foto: “Segodnya.ua”

O‘z navbatida, Kiyev viloyat ma’muriyati rahbari Maksim Melnichuk Litochkidagi qariyalar uyi haqida ma’muriyatga ham, tegishli xizmatlarga ham xabar qilinmaganini aytib o‘tdi.
“Mazkur obyekt norasmiydir. Favqulodda vaziyatlar bo‘yicha davlat xizmati va milliy politsiya uning mavjudligini bilmas edi. Tuman ma’muriyati, Kiyev viloyat ma’muriyati ham shu jumladan”, — dedi u.

Foto: “Segodnya.ua”


Batafsil | Подробно | Read more... Daryo