Bu yil eronlik ziyoratchilar Hajga bora olmaydi

Eronlik ziyoratchilar Saudiya Arabistoni tomonidan yaratilayotgan to‘siqlar tufayli joriy yilda Makkaga — Haj safariga bora olmaydi. Bu haqda, IRNA agentligiga tayanib, “Vedomosti” xabar bermoqda .

Ali Jannatiy. Foto: IRNA

“Biz bugungi kunga qadar Saudiya rasmiylaridan javob kutdik. Eron delegatsiyasi bilan o‘tkazilgan muzokaralarning ikki raundida ular tomonidan yaratilgan to‘siqlarni inobatga olsak, joriy yilda eronliklar ziyoratga bora olmaydi”, — dedi Eron madaniyat vaziri Ali Jannatiy.
U Eron Haj tashkiloti joriy yilgi safarning bekor qilinganini 30-may, dushanba kuni e’lon qilishini qo‘shimcha qilib o‘tdi.
Eslatib o‘tamiz, 2016-yilning 2-yanvarida Saudiya Arabistonida shialar yetakchisi Nimr an-Nimr terrorchilikda ayblangan ellikka yaqin boshqa shaxslar bilan birgalikda qatl qilinganidan so‘ng uning Eron bilan munosabatlariga sovuqlik tushdi. Tehronda namoyishchilar Saudiya elchixonasiga bostirib kirdi. 3-yanvar kuni Saudiya Arabistoni Eron bilan diplomatik aloqalarni uzdi.
Batafsil | Подробно | Read more... Daryo