Keniyada qurolli hujum oqibatida kamida uch kishi halok bo‘ldi

29-may, yakshanba kuni noma’lum shaxslarning qurolli hujumi oqibatida Keniyada xavfsizlik kuchlarining kamida uch xodimi halok bo‘ldi, deb yozadi “TASS” “Sinxua” agentligiga tayanib.

Foto: ABNA

“Marhumlar mahalliy jamoatlar xavfsizligini ta’minlash bilan shug‘ullangan. Ular yakshanba kuni ertalab Keniyaning turli tumanlarida noma’lum kishilar tomonidan otib tashlangan. Hisobotlarga ko‘ra, ulardan hech narsa o‘g‘irlanmagan. Biz jinoyatchilarni qidirish bo‘yicha operatsiyani davom ettirmoqdamiz”, — dedi politsiya hududiy boshlig‘i.
Politsiya ma’lumotlariga qaraganda, hujumlar ortida “Ash-Shabob” terrorchilik guruhi jangarilari turibdi. “Sinxua” xabar berishicha, avvalroq terrorchilarga qo‘shilgan 300 dan ortiq yoshlar mahalliy jamoatlarning tinch fuqarolari bilan integratsiyalashuv maqsadida guruh tarkibidan chiqqan edi.
Batafsil | Подробно | Read more... Daryo