Iroq qo‘shinlari va ko‘ngillilar Al-Falluja shturmini boshlashi kutilmoqda

Iroq qo‘shinlari va sunniy ko‘ngillilari Bag‘doddan 50 kilometr uzoqlikdagi Al-Falluja shahri yaqinida 110 nafar jangarini yo‘q qildi. Bu haqda hukumat kuchlarining Anbar viloyatidagi qo‘mondonligi tomonidan tarqatilgan bayonotda bildirilgan, deya xabar beradi “TASS”.

Foto: AP

“Iroq jangchilari dushmanning 39 o‘t ochish nuqtasi, 18 harbiy-transport vositasi va ikki buldozerini safdan chiqardi. Portlovchi qurilmalar tayyorlash bo‘yicha uchta ustaxona yo‘q qilindi, 536 fugas zararsizlantirildi va 20 ta uy minadan tozalandi. Harbiylar va ko‘ngillilar xavfsiz yo‘lak orqali 507 oilani shahardan olib chiqishga muvaffaq bo‘ldi”, — deyiladi mazkur bayonotda.
Al-Fallujadagi hukumat kuchlari qo‘mondoni general Abdulvahhob as-Saidiyning ta’kidlashicha, qo‘shinlar shahar atrofidagi hududning 80 foizi ustidan nazorat o‘rnatib, markaziy tumanlarni ozod etish bo‘yicha operatsiyaga tayyorgarlik ko‘rmoqda. Bunda ko‘mak berish uchun Bag‘doddan terrorchilarga qarshi kurash maxsus kuchlarining 5 ming nafar jangchisi yetib kelgan.
Ekspertlar Al-Falluja shturmi 30-may, dushanba kuni boshlanishini kutmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo