Yaman hukumati isyonchi xusiylar bilan muzokaralarga kirishishdan bosh tortdi

Yaman hukumati, isyonchi xusiylar BMT Xavfsizlik kengashining 2216-rezolyutsiyasini tan olib, uning talablarini bajarmagunicha, BMT vositachiligida isyonchilar bilan muzokaralarga kirishishdan bosh tortdi. Bu haqda “TASS” xabar bermoqda .

Foto: TASS

BMT Xavfsizlik kengashi 11-sentabr kuni Yamandagi nizolashayotgan tomonlarni “oldindan hech qanday shart qo‘ymasdan” muzokaralarga kirishishga, shuningdek, “siyosiy maqsadlarga yetish yo‘lida zo‘ravonlik harakatlarini amalga oshirish va siyosiy o‘zgarishlar jarayonini izdan chiqaruvchi bir tomonlama harakatlardan voz kechishga” chaqirgan edi.
10-sentabr, payshanba kuni BMT bosh kotibining Yaman bo‘yicha maxsus vakili Ismoil Shayx Ahmad Yaman hukumati, isyonchi xusiylar hamda mamlakatning sobiq prezidenti Ali Abdulla Solih rahbarligidagi Umummilliy xalq kongressi partiyasi kelasi hafta tinchlik muzokaralarini o‘tkazishga rozi bo‘lganini ma’lum qilgandi.
Avvalroq BMT maxsus vakili mazkur muzokaralarni Qurbon Hayitiga qadar Ummonda o‘tkazishni taklif qilgandi.
Batafsil | Подробно | Read more... Daryo