AQSh dunyoning eng raqobatbardosh iqtisodiyoti maqomini Gonkongga boy berdi

Oxirgi uch yil davomida AQShga tegishli bo‘lgan dunyoning eng raqobatbardosh iqtisodiyoti maqomi Gonkongga o‘tdi. Bu haqda Shveysariya IMD biznes-maktabining reytingiga asoslanib, “Vedomosti” xabar bermoqda .

Foto: “Belrinok”

O‘tgan yili Gonkong reytingda ikkinchi o‘rinni egallagan bo‘lsa, endi bu o‘rindan Shveysariya joy oldi. AQSh esa uchinchi o‘ringa tushib ketdi. Raqobatbardosh iqtisodiyotga ega mamlakatlar beshligiga Singapur va Shvetsiya ham kirdi. Oxirgi 61-o‘rindan Venesuela joy oldi.
1989-yildan buyon chop etiladigan reyting asosiy yo‘nalishlar — iqtisodiy taraqqiyot, hukumat samaradorligi, ishchi muhiti va infratuzilmaning 340 ta mezonini hisobga oladi. Tadqiqot 5 400 nafar tadbirkor orasida o‘tkazilgan so‘rov natijalariga asoslangan.
Reytingda Xitoy 22-o‘rindan 25-o‘ringa tushgan. Rossiya 45-o‘rindan joy olgan. Estoniya 31, Latviya 37, Qozog‘iston 47 va Ukraina 59-o‘rinni egallagan.
Batafsil | Подробно | Read more... Daryo