O‘zbekiston va Ekvatorial Gvineya terma jamoalari o‘rtasidagi o‘rtoqlik o‘yini bekor qilindi

Shu yilning 2-iyun kuniga belgilangan O‘zbekiston – Ekvatorial Gvineya xalqaro o‘rtoqlik uchrashuvi Ekvatorial Gvineya futbol federatsiyasining tashabbusiga ko‘ra bekor qilindi, deb xabar bermoqda O‘zbekiston futbol federatsiyasi matbuot xizmati.

Foto: O‘FF matbuot xizmati

Ekvatorial Gvineya futbol federatsiyasi bosh kotibi Tadeo Nsuye Onva imzolagan xatda aytilishicha, Afrika Konfederatsiyasining yo‘rig‘iga ko‘ra Afrika Millatlar Kubogining saralashi doirasida o‘tkazilishi kerak bo‘lgan Ekvatorial Gvineya – Benin o‘yini 3-iyun kuni o‘tkazilishi mumkin. Shu sababli, Ekvatorial Gvineya O‘zbekiston terma jamoasi bilan o‘rtoqlik uchrashuvini o‘tkazish uchun Toshkentga kela olmasligini ma’lum qildi.


Odil Ahmedov, Vitaliy Denisov va Sardor Rashidov O‘zbekiston milliy terma jamoasiga chaqirilmadi


“Biz O‘zbekiston futbol federatsiyasidan uzr so‘raymiz va ushbu o‘yinning yaqin vaqt ichida o‘tkazilishiga umid qilib qolamiz”, – deyiladi Ekvatorial Gvineya futbol federatsiyasi bosh kotibining yo‘llagan maktubida.
Avvalroq Ekvatorial Gvineya  termasi Toshkentga 20 nafar futbolchi bilan kelishi , shuningdek, “Bunyodkor” stadionida bo‘lib o‘tishi kerak bo‘lgan mazkur uchrashuvga chiptalar sotuvga chiqqani haqida xabar berilgandi .
O‘zbekiston futbol federatsiyasi O‘zbekiston va Ekvatorial Gvineya o‘rtasidagi uchrashuvga sotilgan chiptalarni qaytarib olish mas’uliyatini o‘z bo‘yniga oladi.
Eslatib o‘tamiz, 13-may kuni O‘zbekiston futbol federatsiyasi O‘zbekiston milliy terma jamoasi 2-iyun kuni Toshkentda Qirg‘iziston bilan o‘rtoqlik o‘yini o‘tkazishi haqida xabar bergandi . Ammo bu uchrashuv keyinroq bekor qilindi . Qirg‘iziston futbol federatsiyasining Facebook’dagi rasmiy sahifasiga tayanib, “Championat.asia”ning xabar berishicha , uchrashuv O‘zbekiston tomoni tashabbusi bilan bekor qilingandi.
Ma’lumot uchun, 4-iyun kuni Samvel Babayan shogirdlari Avstriyadagi yig‘inga jo‘nab ketadi va u yerda 7-iyun kuni Kanada termasiga qarshi maydonga tushadi .
Batafsil | Подробно | Read more... Daryo