Vengriyaga chegara orqali kirib kelgan mingga yaqin muhojir vaqtinchalik saqlash lagerlarida qolishdan bosh tortdi. Bu haqda “ RIA Novosti ” xabar bermoqda.
Foto: Associated Press
Natijada qochoqlar va huquqni muhofaza qilish organlari xodimlari o‘rtasida to‘qnashuvlar yuz bergan. Oxir-oqibat qochoqlar politsiya to‘sig‘ini yorib o‘tib, Vengriyaning Seged shahri tomon harakatlanishni boshlagan.
Bu qochoqlar va venger politsiyachilari o‘rtasidagi ilk to‘qnashuv emas. 8-sentabr kuni Serbiyaning chegaraoldi Subbotitsa shahridan kelgan muhojirlarning bir qismi qochoqlar lageriga borishdan bosh tortib, politsiya to‘sig‘ini yorib o‘tgan va 180 kilometr masofada joylashgan poytaxt Budapesht tomon yurish qilgandi.
10-sentabr kuni Vengriya qurolli kuchlari noqonuniy muhojirlarga qarshi choralarni takomillashtirish maqsadida maxsus o‘quv-harbiy mashg‘ulotlarini boshlagani haqida xabar berilgan edi. Shuningdek, mamlakat parlamenti tikanli simlardan devorlar qurilishi boshlangan chegaradagi nazoratni kuchaytirish masalasini ko‘rib chiqmoqda.
So‘nggi bir necha oydan beri Yevropaga qochoqlarning oqib kelishi sezilarli kuchaydi. BMT ma’lumotlariga ko‘ra, 2015-yil boshidan beri Yevropa Ittifoqiga noqonuniy yo‘l bilan kirib kelgan Yaqin Sharq va Shimoliy Afrika mamlakatlari vakillari soni 378 ming kishidan oshib ketgan. Prognozlarga ko‘ra, yaqin ikki yil ichida Yevropaga kamida 850 ming qochoq keladi va ularning asosiy qismi Germaniyaga joylashadi.
Batafsil | Подробно | Read more... Daryo
Top News
-
Гакпо: "Клопп учун ҳам ғалаба қозонишни хоҳладик"
"Ливерпуль" ҳужумчиси Коди Гакпо "Тоттенхэм" устидан қозонилган ғалаба ҳақида гапирди.
-
Флоренци: "Мухлислар каби бизнинг ҳам ҳафсаламиз пир бўлди"
Алессандро Флоренци "Милан" мухлисларининг хатти-ҳаракатларига муносабат билдирди.
-
Andjyey Malinovski EUROUZ biznes-nonushtasida: Beeline Uzbekistan tajribasi va xorijiy investitsiyalar.
Beeline Uzbekistan bosh direktori Andjyey Malinovski EUROUZ biznes-nonushtasida o‘z tajribasi va bilimi bilan o‘rtoqlashdi. Tadbir O‘zbekistonga...
-
"Жирона" мураббийининг "иштаҳаси карнай"
"Жирона" бош мураббийи Мишель навбатдаги трансфер ойнасидаги орзулари ҳақида гапирди.
-
Dunyoning eng qashshoq mamlakatlari reytingi e’lon qilindi.
O‘zbekiston reytingning o‘rta qismidan joy oldi. Afrika qit’asida ahvol og‘ir, shuningdek, siyosiy beqarorlik va mojarolarga duch kelayotgan...
-
Де Росси: "Дибала мушакларида ноқулайлик ҳис қилди"
"Рома" бош мураббийи Даниэле Де Росси "Ювентус"га қарши баҳсда (1:1) Дибалани алмаштириш қарори ҳақида гапирди.