Jo‘rabek Karimov o‘smirlar o‘rtasidagi “Rolan Garros” tennis turnirini g‘alaba bilan boshladi

O‘zbekistonlik iste’dodli tennischi Jo‘rabek Karimov Fransiya poytaxti Parij shahrida bo‘lib o‘tayotgan o‘smirlar o‘rtasidagi “Katta dubulg‘a” turkumiga kiruvchi “Rolan Garros” tennis turnirini g‘alaba bilan boshladi.

Foto: French Open

Xalqaro tennis federatsiyasi rasmiy saytining ma’lum qilishicha , mazkur turnirning 8-raketkasi sifatida tasniflangan 17 yoshli O‘zbekiston vakili ilk davrada italiyalik Liam Karuanaga qarshi kortga chiqib, 6:4, 6:3 hisobida zafar quchdi.
Musobaqaning ikkinchi davrasida Jo‘rabek Karimov isroillik Ishay Oliyelga qarshi bahs olib boradi.
O‘smirlar o‘rtasidagi “Rolan Garros” tennis turnirida o‘zbekistonlik yana bir tennischi – Humoyun Sultonov ham ishtirok etmoqda. U birinchi davrada mezbon tennischi Korentin Mute bilan kuch sinashadi.
Batafsil | Подробно | Read more... Daryo