Stoltenberg: NATO Rossiya bilan ixtilofga sabab qidirmayapti

NATOning Rossiya bilan ixtilofga kirish niyati yo‘q, aksincha, u RFning jahon siyosatida muhim rol o‘ynashiga ishonadi. Bu haqda alyans bosh kotibi Yens Stoltenberg Varshavadagi matbuot anjumanida aytib o‘tdi, deb xabar beradi “TASS”.

Foto: EPA

Stoltenberg Varshava universiteti kutubxonasida “NATOning Varshavadagi sammiti — teskari sanoq” mavzuida chiqish qildi, so‘ng auditoriyaning savollariga javob berdi.
“NATO Rossiya bilan ixtilofga kirishmoqchi emas, biz sovuq urush va qurollanish poygasini xohlamaymiz”, — deb ta’kidladi u.
Shu bilan birga, alyans rahbari ochiqlik va muloqotni saqlash zarurligini va bunda Rossiya-NATO Kengashi muhim o‘rin tutishini ta’kidladi.
“Biz yangi uchrashuvni NATOning Varshavadagi sammitiga qadar o‘tkazishga urinishimiz lozim”, — dedi Stoltenberg.
Batafsil | Подробно | Read more... Daryo