Erdo‘g‘on Moskvaning munosabatlar yaxshilanishi yuzasidan talablarini tushunmasligini aytdi

Turkiya prezidenti Rajab Toyyib Erdo‘g‘on Rossiya bilan munosabatlar yaxshilanishini istashini, ammo Moskva Anqaradan qanday “birinchi qadam”ni kutayotganini tushunmasligini aytdi, deb yozadi “RBK”.

Foto: Reuters

Erdo‘g‘on ta’kidlashicha, mamlakatlar aloqalarni yaxshilash uchun birgalikda ishlashi kerak. Shu bilan birga, u munosabatlar “uchuvchining xatosi” tufayli qurbon qilingan bo‘lishi mumkinligidan xavotir bildirdi.
27-may kuni Gretsiyaga tashrifi yakunlariga ko‘ra, Rossiya prezidenti Vladimir Putin Rossiya Turkiya bilan aloqalarni qayta tiklash istagida ekanligini, biroq Anqara buning uchun “ma’lum qadamlar”ni amalga oshirmaganini aytgan edi.
Putin Turkiya Rossiyadan kechirim so‘ramagani, shuningdek, yetkazilgan zararni qoplashga tayyorlik haqida bayonot bermaganini eslatdi.
Batafsil | Подробно | Read more... Daryo