Iroq harbiylari IShIDning qarshi hamlasini qaytarib, Al-Fallujaga hujumni davom ettirdi

Iroq armiyasi va shialarning harbiylashgan otryadlari IShID guruhi jangarilariga qarshi zarba berib, Al-Falluja shahri markaziga qarab harakatlanishda davom etmoqda, deb yozadi “Interfaks”.

Arxiv. Foto: “Strategium.ru”

Iroq kuchlari IShIDning to‘rt soatlik qarshi hujumini qaytarishga muvaffaq bo‘ldi. Jangarilar tunnel va snayperlardan foydalandi, shuningdek, qo‘shinlarga mina joylangan oltita avtomobil yordamida hujum qildi.
Harbiylar qarshi hujum natijasida talafot ko‘rdi, ammo halok bo‘lganlar soni haqida aniq ma’lumotlar keltirilmayapti.
Avvalroq Al-Falluja shahrini IShID guruhidan ozod etishda ishtirok etayotgan Iroq xavfsizlik kuchlari jangarilar hujumini qaytarishga muvaffaq bo‘lgani, ulardan 75 nafari yo‘q qilingani xabar berilgan edi .
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo