Andijonda “Yoshlar chekishga qarshi!” shiori ostida aksiyalar tashkil etildi

Yoshlar o‘rtasida sog‘lom turmush tarzini targ‘ib qilish, yosh avlod sog‘ligini muhofaza etish, ular orasida tamaki chekish, ichkilikbozlik, OIV/OITS va giyohvandlikni oldini olish maqsadida hamda 31-may – “Butunjahon tamaki chekishga qarshi kurash kuni” munosabati bilan Andijon viloyatidagi barcha ta’lim muassasalarida, mahalla va guzarlarda, aholi gavjum joylarda “Yoshlar chekishga qarshi!” shiori ostida aksiyalar tashkil etildi. Bu haqda “Kamolot” yoshlar ijtimoiy harakatining Andijon viloyat Kengashi matbuot xizmati “Daryo”ga ma’lum qildi.

Foto: Harakatning Andijon viloyat Kengashi matbuot xizmati

Aksiya doirasida tamaki va alkogol mahsulotlari sotiladigan do‘konlarda “Vijdonli sotuvchi”, “Yashashni istasang chekishni tashla!”, “Nafas olishimga xalaqit berma!”, “Farzandlaring sog‘lom bo‘lishini istaysanmi?… Unda chekishni tashla” kabi mavzularda “Salomatlik posbonlari” ko‘ngilli yoshlar guruhining targ‘ibotchi yoshlari tomonidan targ‘ibot tadbirlari amalga oshirildi.

Foto: Harakatning Andijon viloyat Kengashi matbuot xizmati

Shuningdek, turli yo‘nalishdagi taksi va jamoat transportlarga “20+ Bu qonun!”, “Yoshlar chekishga qarshi!” kabi mavzularda informatsion stikerlar joylashtirildi.
Batafsil | Подробно | Read more... Daryo