Parijda yuz bergan yong‘in oqibatida 1 kishi halok bo‘ldi, 8 kishi jabrlandi

Parijning sharqiy qismidagi sakkiz qavatli turar-joy binosida o‘tgan kecha, 31-may kuni yong‘in yuz berdi. Bu haqda, shahar yong‘in-qutqaruv xizmati ma’lumotiga tayanib, “TASS” xabar berdi .

Foto: “Report.az”

Oqibatda yonayotgan bino derazasidan pastga sakragan ayol halok bo‘ldi. Sakkiz kishi jabrlandi. Ulardan ikki nafar ayolning ahvoli og‘ir ekanligi qayd etilmoqda.
Yong‘in yuzaga kelish sabablari hozircha noma’lum. Olov zina xonasidan tarqalgan bo‘lib, to‘rtinchi va sakkizinchi qavatlar oralig‘ida ayniqsa kuchaygan.
Voqea joyiga tezda 20 ta o‘t o‘chirish jamoasi yetib kelgan. Yong‘inni o‘chirishda 80 kishi qatnashgan. Aynan o‘t o‘chiruvchilarning tezkor harakati tufayli yuqori qavatdan pastga sakramoqchi bo‘lgan ko‘pchilik aholi qutqarib qolingan.
Batafsil | Подробно | Read more... Daryo