Foto: Toshkentning Shimoliy vokzali yaqinida katta tirbandlik yuzaga keldi

Toshkentda 1-iyun, chorshanba kuni Shimoliy vokzal yaqinidagi chorrahalarda katta tirbandlik yuzaga keldi. Tirbandlik suratlari Facebook’dagi “Voditeli Tashkenta” guruhida e’lon qilingan .

Foto: Facebook / “Voditeli Tashkenta”

Tirbandlik suratiga izoh berarkan, ba’zi foydalanuvchilar: “Xuddi Moskvaning o‘zi-ku!”, — deb yozgan. Qator foydalanuvchilar odatda 10—20 daqiqada bosib o‘tiladigan yo‘lda kamida bir soat qolib ketganini ma’lum qilgan.

Foto: Facebook / “Voditeli Tashkenta”

“Voditeli Tashkenta” guruhiga a’zo haydovchilarning yozishicha, Toshkent xalqaro aeroportiga olib chiquvchi ko‘prik va Kichik halqa yo‘lining eski ToshMI tarafdagi yo‘l o‘tkazgichidagi qurilish-ta’mirlash ishlari, shuningdek, yo‘l ishlari vaqtida ba’zi qoidabuzar haydovchilarning tartibsiz harakatlari tirbandlikka sabab bo‘lgan.

Foto: Facebook / “Voditeli Tashkenta”

Eslatib o‘tamiz, ayni vaqtda Toshkentning qator markaziy va boshqa ko‘chalarida rekonstruksiya va ta’mirlash ishlari olib borilmoqda, bir qator yangi ko‘chalar qurilmoqda.
Toshkent hokimligi shahar yo‘llarida yuzaga kelayotgan vaziyatga fuqarolar tushunish bilan munosabatda bo‘lishiga umid bildirgan .
Batafsil | Подробно | Read more... Daryo