“Eldorado” kompaniyasi Armaniston, Qozog‘iston, Qirg‘iziston va Moldaviyaga franchayzi orqali kirib boradi

Rossiyaning maishiy texnika va elektronika do‘konlarini boshqaruvchi “Eldorado” kompaniyasi Armaniston, Qozog‘iston, Qirg‘iziston va Moldaviyaga ekspansiya qilish uchun franchayzi sheriklarni topdi, deb yozadi “Interfaks”.

Foto: “RIA Novosti”

Riteylerning ushbu mamlakatlardagi sheriklari 2016-yildayoq “Eldorado” brendi ostida do‘konlar ochishni boshlaydi, ularda mahsulotlarning kengaytirilgan to‘plami taqdim etiladi.
Bishkekda maydoni 1,2 ming kvadrat metrgacha bo‘lgan bir nechta do‘kon, Kishenyovda maydoni 2 ming kvadrat metrgacha bo‘lgan uchta do‘kon, Yerevanda 2 ming kvadrat metr maydonda univermag hamda Qozog‘istonning ikkita shahrida 0,7—1,1 ming kvadrat metr maydonli do‘konlar paydo bo‘ladi.
“Eldorado” tarmog‘i Rossiyaning 200 ta shahrida 600 dan ortiq do‘konlarni birlashtiradi, u yerda kompaniya allaqachon franchayzing tizimi bo‘yicha ishlaydi.
Batafsil | Подробно | Read more... Daryo