Shahrisabzda yosh qutqaruvchilar musobaqasi bo‘lib o‘tdi

Xalqaro bolalar kuniga bag‘ishlangan “Yosh qutqaruvchilar” uch kunlik musobaqasi Qashqadaryo viloyatining Shahrisabz shahrida o‘z poyoniga yetdi, deya xabar bermoqda YuNISEFning O‘zbekistondagi vakolatxonasi matbuot xizmati. Mazkur tadbir bolalar va yoshlarning turli tabiiy ofatlar oldidagi qat’iyati va tegishli javob choralarini ko‘rishga tayyorligini namoyon etdi.

Foto: YuNISEF vakolatxonasi

“Yosh qutqaruvchi ko‘ngillilar klublari yoshlar jismoniy jihatdan kuchli bo‘lishiga, favqulodda vaziyatlarda xatarlarni kamaytirish bo‘yicha nazariy va amaliy bilimlarini oshirishiga yordam beradi”, — dedi Favqulodda vaziyatlar vazirining birinchi o‘rinbosari Komiljon Aripov. Shuningdek, u musobaqaning mahalliy va hududiy bosqichlarida umumta’lim maktablaridan jami 25 ming nafar o‘quvchilar jalb etilganini aytib o‘tdi.
Favqulodda vaziyatlar vazirligi, Xalq ta’limi vazirligi va “Kamolot” Yoshlar ijtimoiy harakati tomonidan tashkil etilgan tadbirni o‘tkazishda YuNISEF amaliy yordam ko‘rsatdi. Tadbirda turli maktablar o‘quvchilari ishtirok etib, ofatlar ehtimoliga qanchalik tayyor ekanliklarini namoyon qildi.
Batafsil | Подробно | Read more... Daryo