Rossiyalik olimlar tezlatgich yordamida saratonni davolash bo‘yicha muvaffaqiyatli tajriba o‘tkazdi

Novosibirsk yadro fizikasi instituti olimlari saratonni bor-neytron terapiyasi tezlatgichi yordamida davolash bo‘yicha tajriba chog‘ida o‘simta to‘qimalarining 99 foizini yo‘q qilishga muvaffaq bo‘ldi. Bu haqda institut yetakchi ilmiy xodimi Sergey Taskayev ma’lum qildi, deya xabar beradi “TASS”.

Foto: “TASS”

“O‘zimiz hisob-kitob qilgan natijaga erishdik. Unga ‘doza qancha ko‘p bo‘lsa, to‘qimalar shuncha kam omon qoladi’, deb ta’rif berish mumkin. Doza o‘ta yuqori bo‘lganida deyarli hammasini yo‘q qildik, to‘qimalarning nari borsa 1 foizdan kami tirik qolgan. Bu juda yaxshi natija”, — deya ta’kidlagan Taskayev.
Olimlar tajriba uchun boshqacha usul bilan davolab bo‘lmasligi sababli Sankt-Peterburgdagi sitologiya instituti kolleksiyasida bo‘lgan miya glioma va glioblastomasini tanladi. Sog‘lom hujayralar tariqasida Xitoy og‘maxoni to‘qimalari olindi.
Tajriba chog‘ida glioma va glioblastoma inson boshi sifatida tasavvur etilgan shisha idishga solindi, so‘ng tezlatgich nishoniga qo‘yildi. Uning yakunlari bo‘yicha qancha to‘qima omon qolgani Molekulyar va hujayrali biologiya institutida ham tekshirib ko‘rildi.
Batafsil | Подробно | Read more... Daryo