Meksika termasi futbolchisining o‘g‘irlanishini o‘z qarindoshining yigiti tashkillashtirgan

Futbol bo‘yicha Meksika milliy terma jamoasi hamda Gretsiyaning “Olimpiakos” klubi hujumchisi Alan Pulidoning o‘g‘irlanishi tashkilotchisi o‘z qarindoshining yigiti – Osvaldo Velaskes Garsia bo‘lib chiqdi. Bu haqda Tamaulipas shtati bosh prokurori Ismael Kintanilya 31-may, seshanba kuni ma’lum qildi, deb xabar bermoqda “TASS”.

Foto: “Thenationalherald.com”

La Jornada gazetasining ma’lum qilishicha, jinoyatchi shu kuniyoq qo‘lga olingan. Prokurorning so‘zlariga qaraganda, Velaskes uni qo‘lga olishga yetib kelgan politsiya xodimlariga qarata o‘q uzgan. Huquq-tartibot organlari Velaskesning xatti-harakatlariga javoban uni o‘qqa tutib, qo‘li va yelkasini jarohatlagan. Avvalroq Tamaulipas hukumati Pulidoning o‘g‘irlanishi ijrochilarini qo‘lga olgandi. Ma’lum qilinishicha, ular qilgan jinoyatlariga iqror bo‘lmoqda. Shuningdek, ularning boshqa jinoyat ishlariga va giyohvandlik savdo-sotig‘iga aloqadorligi tekshirilmoqda.


Meksika terma jamoasining o‘g‘irlab ketilgan futbolchisi qutqarib olindi


Eslatib o‘tamiz, Alan Pulido 29-mayga o‘tar kechasi Tamaulipas shtatida, qiz do‘sti bilan kechki ziyofatdan qaytayotgan vaqtida o‘g‘irlab ketilgan edi. Futbolchi o‘g‘rilardan biri bilan mushtlashib, uning telefonini olib qo‘yishga va yordam chaqirishga muvaffaq bo‘lgan. Pulido qarindoshlarining aytishicha, jinoyatchilar uning ozodligi uchun 6 million peso (chamasi 330 ming dollar) talab qilgan.
Ma’lumot uchun, 2014-yilgi Jahon chempionatida Meksika terma jamoasi sharafini himoya qilgan Alan Pulido, 2015-yildan buyon Gretsiyaning “Olimpiakos” klubi sharafini himoya qiladi.
Batafsil | Подробно | Read more... Daryo