Bo‘zsuv anhoriga o‘smir bola cho‘kib ketdi

Tez harakat qilish respublika ko‘p tarmoqli markazi qutqaruvchi-g‘avvoslari uchinchi kundirki Bo‘zsuv anhorida cho‘kib ketgan o‘smir jasadini qidirmoqda, deb xabar beradi “Gazeta.uz”.

Foto: “Gazeta.uz”

Toshkent kollejlaridan birida tahsil oluvchi 17 yoshli o‘smir seshanba kuni besh nafar do‘sti bilan “Shahidlar xotirasi” yodgorlik majmuasidagi anhorda cho‘milishga qaror qiladi. Do‘stlar anhorga qariyb bir vaqtda sakraydi, vafot etgan esa oxirgi bo‘lib suvga tushadi va bir lahza suvda ko‘rinib, so‘ngra yo‘qoladi. Barchasi uning do‘stlari ko‘z o‘ngida sodir bo‘ladi, qo‘rquv yoki sarosima sababli ular sherigiga yordam berishga shoshilmaydi. Aksincha, qirg‘oqqa qaytib, buyumlarini yig‘ishtiradi va yashirinadi.
Bu haqda vafot etgan o‘smirning qarindoshi so‘zlab berdi. Uning so‘zlariga ko‘ra, o‘smirning ota-onasiga qirg‘oqdagi qarovsiz buyumlarni uchratib qolgan o‘tkinchi qiz ular orasidagi o‘smirning telefonidan ma’lum qiladi. Oradan bir fursat o‘tib o‘smirning do‘stlaridan biri qaytib, sodir bo‘lgan voqealar to‘g‘risida bolaning ota-onasiga so‘zlab beradi.
Uch kun mobaynida g‘avvoslar voqea sodir bo‘lgan joydan bir kilometrgacha masofada anhorning tubi va qirg‘oqlarini tekshirib chiqdi, ammo jasad haligacha topilgani yo‘q. G‘avvoslar ishini suvning to‘laligi va tezoqarligi qiyinlashtirmoqda.
Qidiruv ishlari ham qirg‘oqdan, ham qutqaruv qayiqlari orqali amalga oshirilayapti. Anhor tubi metrma-metr qidirilayotgan bo‘lsa-da urinishlar hamon besamar ketmoqda. Qutqaruv ishlarida vafot etgan o‘smirning qarindoshlari ham ishtirok etmoqda. Ular cho‘kib ketganning tez orada topilishi va munosib dafn etilishiga umid bildirmoqda.
Batafsil | Подробно | Read more... Daryo