Yevro—2016 translyatsiyasi huquqini sotib olmagan “Sport” telekanali Amerika Kubogi o‘yinlarini namoyish etadi

3-iyun kuni start oladigan Amerika Kubogi—2016 futbol turniri uchrashuvlari “Sport” telekanali orqali namoyish etiladi. Bu haqda O‘zMTRKdan TV-dasturlar oluvchi “Erudit Sport” gazetasining sayti ma’lum qildi .

Foto: “Erudit Sport”

6—12-iyun uchun “Erudit Sport” gazetasiga berilgan TV-dasturlarda yozilishicha, “Sport” TV Amerika Kubogi—2016 uchrashuvlarini jonli efirda namoyish etadi. Ushbu bahslarning boshlanish vaqti bizning vaqt bilan asosan tong saharga to‘g‘ri kelayotganligi bois, markaziy uchrashuvlar kunduzgi va kechgi efirlarda ham takroran namoyish etiladi, deb yozilgan xabarda.
Amerika Kubogi musobaqasining 100 yilligi uchun AQShda o‘tkazilayotgan turnirning translyatsiya huquqi telekanal tomonidan qo‘lga kiritilgan. Qayd etish kerak, “Sport” TV Yevro—2016 musobaqasining translyatsiyasi huquqini sotib olmagandi.


UzReport TV Yevro—2016 uchrashuvlarini translyatsiya qiladi


Amerika Kubogi—2016 3—26-iyun kunlari oralig‘ida AQShning 10 ta shahrida bo‘lib o‘tadi .


Futbol bo‘yicha Amerika Kubogi–2016 turniriga qur’a tashlandi



Batafsil | Подробно | Read more... Daryo