O‘zbekistonlik yunon-rum kurashchisi Ilhom Bahromov yoshlar o‘rtasida Osiyo chempioni bo‘ldi

Filippin poytaxti Manila shahrida sport kurashlari bo‘yicha yoshlar o‘rtasida start olgan Osiyo chempionatining birinchi kunida o‘zbekistonlik Ilhom Bahromov yunon-rum kurashi bo‘yicha -50 kilogramm vazn toifasida barcha raqiblarini yengib, Osiyo chempioni bo‘ldi, deb xabar bermoqda “Sports.uz”.

Foto: UzDaily.uz

2014-yili Xitoyning Nankin shahrida bo‘lib o‘tgan II o‘smirlar yozgi Olimpiada o‘yinlari g‘olibi Ilhom Bahromov qit’a chempionatida ham tengsiz ekanligini namoyish etib, shohsupaning eng yuqori pog‘onasiga ko‘tarildi. Yarim finalda eronlik kurashchini mag‘lub etgan o‘zbekistonlik polvon finalda qirg‘izistonlik sportchidan ham ustun keldi.
Eslatib o‘tamiz, Ilhom Bahromov may oyida Qozog‘istonning Toldiqo‘rg‘on shahrida yunon-rum kurashi bo‘yicha yoshlar o‘rtasida o‘tkazilgan xalqaro turnirda oltin medalni qo‘lga kiritgandi .
Batafsil | Подробно | Read more... Daryo