Toshkentda issiq suv ta’minoti va markaziy isitish xizmati tariflari qimmatlashadi

Oktabr oyidan Toshkent shahrida markaziy isitish tizimi va issiq suv ta’minoti xizmatlari uchun yangi tariflar joriy etiladi. Bu haqda, “Toshissiqquvvati” korxonasiga asoslanib, “Gazeta.uz” xabar bermoqda .

Foto: Gazeta.uz

Tariflarning qimmatlashuvi energiya manbalari va boshqa materiallarning narxi o‘sishi bilan bog‘liq. Qayd etishlaricha, issiq suv tariflari so‘nggi bir yil ichida ikkinchi marta, markaziy isitish esa uchinchi marta qimmatlashmoqda.
Yangi tarif bo‘yicha issiq suv ta’minoti hisoblagich bo‘lgan holatda bir metr kub uchun 3174,05 so‘m (hozir — 3015,87 so‘m, o‘sish — 5,2 foiz), hisoblagich bo‘lmasa, bir kishi uchun bir oyga 12395,4 so‘m (hozir — 11777,69 so‘m) etib belgilangan (dushxonasi umumiy bo‘lgan yotoqxonalar uchun — bir kishi uchun 9220,98 so‘m).
Markaziy isitish tizimi xizmatlari tarifi esa turar-joyning bir kvadrat metri uchun 1019,59 so‘mdan 1073,06 so‘mga oshgan (o‘sish — yana 5,2 foiz).
Joriy yilda issiq suv tariflari oxirgi marta 15-may kuni, isitish xizmati narxi esa 15-may va 1-avgust kunlari oshgan edi.
Batafsil | Подробно | Read more... Daryo