Tramp Klintonning o‘zi haqidagi tanqidiy nutqini “bo‘lmag‘ur tomosha” deb atadi

Donald Tramp 2-iyun, payshanba kuni Oq uy uchun kurashda raqibi sobiq davlat kotibi Hillari Klintonning o‘zi haqidagi tanqidiy nutqini “bo‘lmag‘ur tomosha” deb atadi. Bu haqda “TASS” xabar bermoqda .

Foto: AP Photo

Klinton o‘z chiqishi davomida Trampning tashqi siyosatdagi qarashlarini keskin tanqid qildi va uni AQSh prezidenti vazifasini bajara olmaslikda aybladi.
“Yolg‘onchi Hillarining bo‘lmag‘ur tomoshasi”, — dedi Tramp Twitter ijtimoiy tarmog‘idagi sahifasida. Trampning fikricha, Klinton uning tashqi siyosiy qarashlarini butunlay noto‘g‘ri talqin qilishga uringan.
Donald Tramp delegatlarning 1 239 ovozini to‘plab, 18—21-iyul kunlari Klivlendda bo‘lib o‘tadigan partiya milliy syezdida Respublikachilar partiyasidan AQSh prezidentlik lavozimi uchun nomzodi ilgari surilishini oldindan kafolatladi.
Shu bilan bir paytda, Klinton Demokratik partiyaning Filadelfiyada 25—28-iyul kunlari bo‘lib o‘tadigan milliy syezdida nomzodi ko‘rsatilishi uchun zarur bo‘lgan 2 383 ovozni haligacha to‘play olmagan. Hozirda u 2 312 ta ovoz to‘plagan.
Batafsil | Подробно | Read more... Daryo