Iroqdagi urush sabablari haqidagi ma’ruza uchun u yerda halok bo‘lgan britaniyaliklarning oilalariga 1,1 ming dollardan to‘lashga to‘g‘ri keladi

Birlashgan Qirollikning 2003-yilda Iroqqa hujumdagi ishtiroki haqidagi ma’ruza nusxasini qo‘lga kiritish uchun, Iroqda halok bo‘lgan britaniyalik harbiy xizmatchilarning oilalariga 767 funt (1,1 ming dollar)dan to‘lashga to‘g‘ri keladi. Bu haqda tergov rasmiy vakili ma’lum qildi, deb yozadi “TASS”.

Foto: “Korrespondent.net”

Ichki ishlar vaziri sobiq o‘rinbosari Jon Chilkot boshchiligidagi tergov komissiyasi 2009-yildayoq ish boshlagan, so‘nggi ochiq tinglashlar esa 2011-yilda bo‘lib o‘tgan edi. Shunga qaramay, ma’ruza yakunlari hamon e’lon qilinganicha yo‘q, hujjatni chop etish muddati esa doimiy ravishda kechiktirib kelinadi.
Avvalroq Devid Kemeronning tergov komissiyasi raisi Jon Chilkot bilan konsultatsiyalaridan so‘ng, Buyuk Britaniyaning 2003-yilda Iroqqa hujumdagi ishtiroki haqidagi ma’ruza 6-iyul kuni chop etilishi ma’lum bo‘lgan edi .
Batafsil | Подробно | Read more... Daryo