Markaziy razvedka boshqarmasi sobiq rahbari Rossiyaning raketa dvigatellaridan voz kechish g‘oyasini qo‘llab-quvvatladi

Pentagon sobiq rahbari Leon Panetta, Markaziy razvedka boshqarmasi sobiq direktori Maykl Xeyden va yana uch nafar iste’fodagi yuqori lavozimli mulozimlar senator Jon Makkeynning Pentagonning Rossiya raketa dvigatellariga bog‘liqligini kamaytirish haqidagi tashabbusini ma’qulladi, deb yozadi “RBK” Makkeynga yo‘naltirilgan xat matniga tayanib.

Foto: “Rosbalt.ru“

“Bizda Amerikaga tegishli ishlab chiqarish bazasi bor, uning bir nechta yetkazib beruvchilari Amerika raketa dvigatellarini ishlab chiqara oladi. Ushbu nozik, o‘ta muhim texnologiyani ishlab chiqarish uchun bizda Putinning Rossiyasiga suyanish zarurati yo‘q”, — deyiladi murojaatda.
Sobiq amaldorlar ta’kidlashicha, ko‘p yillar davomida Rossiya harbiy kapitalini o‘stirib kelgan, bu, xususan, AQShga RD-180 dvigatelini sotishdan tushgan pul evaziga amaga oshirilgan. Shuningdek, Rossiya Pentagonning “bog‘liqligi”dan “tashqi siyosiy munozaralarda foydalangan”.
Makkeyn 2014-yil mayida Amerika harbiy sun’iy yo‘ldoshlarini uchirish vaqtida Rossiya tomonidan ishlab chiqarilgan raketa dvigatellaridan foydalanishdan voz kechishni talab qilgan edi. U buni Rossiya “AQSh milliy xavfsizligining eng qimmatbaho sun‘iy yo‘ldoshlarini xatarga qo‘yayotgani” bilan izohlagandi.
Batafsil | Подробно | Read more... Daryo