Kasaba uyushmalari federatsiyasi Xalqaro konfederatsiya bilan memorandum imzoladi

O‘zbekiston kasaba uyushmalari federatsiyasi Jenevada Xalqaro kasaba uyushmalari konfederatsiyasi bilan anglashuv memorandumi imzoladi. Bu haqda, federatsiya matbuot xizmatiga asoslanib, “Gazeta.uz” xabar bermoqda .

Foto: “Gazeta.uz”

Hujjatni imzolash marosimi federatsiya raisi Tanzila Norboyevaning Xalqaro konfederatsiya bosh kotibi Sharon Barrou bilan bilan uchrashuvi yakunlariga ko‘ra bo‘lib o‘tdi. Muzokaralar Xalqaro mehnat konferensiyasining 105-sessiyasi doirasida o‘tkazildi.
Memorandum tomonlarning bandlikni ta’minlash, mehnat muhofazasi va mehnat sohasida ijtimoiy sherikchilikni rivojlantirish singari yo‘nalishlardagi hamkorligini kuchaytirishni nazarda tutadi.
Xalqaro mehnat konferensiyasining 105-sessiyasida 187 davlatdan tashrif buyurgan 5 mingdan ortiq delegat ishtirok etmoqda. O‘zbekiston delegatsiyasida, shuningdek, mehnat vaziri Aziz Abduhakimov va Savdo-sanoat palatasi raisi Alisher Shayxov bor.
Aprel oyida Sharon Barrou O‘zbekistonga tashrif buyurgan edi .
Batafsil | Подробно | Read more... Daryo