Foto: O‘zbekistonlik Abu Ali ibn Spartak

Telegram messenjerida Abualiibnspartak (Abu Ali ibn Spartak) ismli yigit nomiga berilgan O‘zbekiston fuqarosi pasporti surati tarqalib ketdi.
Suratda pasport egasining shaxsiy ma’lumotlarini ko‘rish mumkin. Unga ko‘ra, Abualiibnspartak 1991-yilning avgust oyida Qashqadaryo viloyatining Qamashi tumanida tug‘ilgan. Fuqaro pasportni Qashqadaryo viloyati Qamashi tumani IIBdan olgan.

Foto: Telegram

Ma’lumot uchun, “Abu Ali ibn” so‘zlaridan iborat eng mashhur ism Buxoro yaqinida Afshona qishlog‘ida tug‘ilgan va G‘arbda Avitsenna nomi bilan tanilgan buyuk tib olimi — Abu Ali ibn Sinoga tegishli . Spartak esa Rim imperiyasiga qarshi qo‘zg‘olon ko‘targan eng mashhur qul-gladiator edi .
Eslatib o‘tamiz, bungacha o‘zbek oilalarida tug‘ilgan bolalarga Bryus Li, Chingachkuk, Messi , Maradona, Neymar, Devid Bekxem, Ronaldo , Jumong, Ishani , Roberto Badjo kabi mashhur kino va serial qahramonlari, sportchilarning ism-shariflari qo‘yilgani haqida xabarlar berilgan edi.
Batafsil | Подробно | Read more... Daryo