Olimlar: shou-biznes yulduzlari reklama qiladigan mahsulotlarning deyarli barchasi sog‘liq uchun zararli

Langon nomli tibbiyot markazi tadqiqotchilari shou-biznes yulduzlari reklama qiladigan oziq-ovqat va ichimlik mahsulotlarining katta qismi kam ozuqa moddalariga ega bo‘lishi va ko‘p shakar saqlashini va, umuman, bolalar salomatligiga salbiy ta’sir ko‘rsatishini aniqladi. Tadqiqot natijalari Pediatrics jurnalida chop etildi .

Foto: Flickr

Gazli va shirin ichimliklar, fastfud, shirinliklar — taniqli musiqiy arboblar reklama qiladigan  mahsulotlar orasida keng tarqalgani. Ammo, olimlar ta’kidlashicha, san’atkorlardan hech biri meva, sabzavot yoki butun donlar reklamasida qatnashmagan.
Tadqiqotchilar televideniye, jurnal va radio orqali uzatilgan reklama ma’lumotlari asosida, yulduzlar tomonidan ma’qullangan mahsulotlar ro‘yxatini tuzdi. Natijada 163 nafar mashhur pop-yulduzlarning 65 nafari 57 xil oziq-ovqat mahsulotlari va ichimliklar bilan bog‘liqligini aniqladi.
26 ta oziq-ovqat mahsulotidan 21 tasi — 81 foizi — “ozuqaviy jihatdan kambag‘al” deb topildi. 69 ta ichimlikdan 49 tasi tarkibida shakar miqdori yuqori bo‘lib chiqdi.
Oziq-ovqat mashulotlari va ichimliklar ishlab chiqaruvchi kompaniyalar yoshlarga qaratilgan reklama uchun yiliga ikki milliard dollar sarflaydi. Ommabop yulduzlarning marketingdagi ishtiroki bolalar va o‘smirlarning reklama qilinayotgan mahsulotni afzal ko‘rishini kuchaytiradi.
Batafsil | Подробно | Read more... Daryo