Hindistonda it o‘z hayoti evaziga egasini yo‘lbars hujumidan asrab qoldi

Hindiston shimolida yo‘lbars bilan olishgan it egasining hayotini asrab qoldi. Bu haqda, Times of India gazetasi ma’lumotiga tayanib, “RIA Novosti” xabar berdi .

Foto: Fotolia

Hodisa 4-iyun, shanbaga o‘tar kechasi Uttar-Pradesh shtatidagi Dadxva milliy bog‘i yaqinida joylashgan Barbatpur qishlog‘ida yuz bergan. Fermer Gurdev Singx kulbasi yaqinida ochiq havoda uxlayotgan, uning to‘rt yoshli iti Jeki esa uni qo‘riqlayotgan edi.
Yirtqichning yaqinlashayotganligini sezib qolgan it sohibini uyg‘otish uchun muvaffaqiyatsiz urinishlaridan so‘ng, hujumga tayyor yo‘lbarsga o‘zi tashlangan.
Fermer uyg‘onib ketib, shovqin ko‘targanda, yo‘lbars chekinib, itni o‘zi bilan sudrab ketgan.
Keyinroq itning jasadi qishloq yaqinidan topilgan. Jeki yashagan oila va boshqa mahalliy aholi vakillari it uchun sharafli dafn marosimini uyushtirganligi ma’lum qilinmoqda.
Batafsil | Подробно | Read more... Daryo