Namanganda yoshlarning biznes salohiyatini oshirish maqsadida “Biznes avtobus” yo‘lga chiqdi

“Kamolot” yoshlar ijtimoiy harakati viloyat Kengashi tashabbusi bilan namanganlik yoshlarning biznes salohiyatini oshirish va tadbirkorlikka jalb qilish maqsadida “Biznes avtobus” yo‘lga chiqdi. Bu haqda “Yosh tadbirkor” konsultativ markazining matbuot xizmati “Daryo”ga ma’lum qildi.

Foto: “Yosh tadbirkor” konsultativ markazi matbuot xizmati

“Biznes avtobus” – biznes targ‘ibot yo‘lida yoshlarning tadbirkorlikka oid bilimlarini yanada mustahkamlash, ularning tashabbus va intilishlarini har tomonlama qo‘llab-quvvatlash, o‘z navbatida biznesga yo‘naltirish “Yosh tadbirkor” konsultativ markazining bosh maqsadlaridan sanaladi.
Biznes kunida Namangan muhandislik pedagogika instituti, Namangan davlat universiteti, Namangan muhandislik texnologiya instituti hamda Namangan shahar 2-tibbiyot kollejining ko‘plab yoshlari, sohaga oid muhim ma’lumot va foydali tavsiyalarga ega bo‘ldi.
Bu kabi tadbirlar yoshlarni tadbirkorlikka bo‘lgan qiziqishi ortishiga xizmat qilmoqda.
Batafsil | Подробно | Read more... Daryo