Qozog‘iston IIV: Aqto‘beda 13 jangari o‘ldirildi

Qozog‘istonda Aqto‘bedagi teraktlarni tashkil qilgan 13 nafar ekstremist o‘ldirildi, deb yozadi “Nur.kz” mamlakat ichki ishlar vazirligi davlat tili va axborot departamenti direktoriga tayanib.

Foto: “Nur.kz”

Yana to‘rt terrorchi  yaralandi, yetti nafari esa qidiruvga berildi. Teraktlarga aloqadorlikda gumonlanib, sakkiz kishi qo‘lga olindi.
Departament direktori so‘zlariga ko‘ra, hozir shahardagi vaziyat nazorat ostida turibdi. “Butun shaxsiy tarkib kuchaytirilgan rejimda xizmat o‘tashda davom etmoqda. Aqto‘beda tun osuda o‘tdi”, — dedi u.
5-iyun kuni Aqto‘be shahridagi uchta tumanda otishma bo‘lib o‘tdi , unda 19 kishi, shu jumladan, uch harbiy va uch fuqaro halok bo‘ldi, kamida 38 kishi yaralandi. Qozog‘iston IIV hodisani terakt deb baholadi . Shaharda terrorchilik xavfining “qizil” darajasi e’lon qilindi . Keyinroq u “sariq”qa tushirildi, u 40 kun amalda bo‘ladi.
Batafsil | Подробно | Read more... Daryo