BuzzFeed Trampning reklamasini joylashtirishdan bosh tortdi va 1,3 million dollarlik shartnomani bekor qildi

BuzzFeed media tarmoq resursi AQSh Respublikachilar partiyasining Milliy qo‘mitasi bilan 1,3 million dollarga teng reklama shartnomasini bekor qildi. Bu haqda 6-iyun, dushanba kuni BuzzFeed rahbari Jona Peretti ma’lum qildi, deya xabar bermoqda “TASS”.

Foto: EPA

Bunga mazkur partiyaning AQSh prezidentlik lavozimiga rasman nomzodi Donald Trampning tajovuzkor nutqidan qat’iy norozilik sabab bo‘ldi.
“Bugun biz partiya qo‘mitasiga Trampning reklama roligini joylashtirmasligimiz va shartnomaning amal qilishini to‘xtatishimizni ma’lum qildik”, — deb ta’kidladi u. “Trampning saylovoldi kampaniyasi AQShdagi va butun dunyodagi xodimlarimizning erkinligiga qarshi qaratilgan. Uning musulmonlarning AQShga kirishini taqiqlash haqidagi taklifi (agar bu hayotga tatbiq etilsa) xodimlarimizga o‘z vazifalarini bajarishiga to‘sqinlik qiladi”, — deb tushuntirdi Peretti.
“Ba’zan istisno tariqasida ishimizni moliyalashtiruvchi daromaddan voz kechishga to‘g‘ri keladi. Biz sog‘lig‘imiz uchun xavfli bo‘lganligidan tamaki reklamasini joylashtirmaymiz. Trampning reklama roligini ham aynan shu sababga ko‘ra joylashtirmaymiz”, — deb qo‘shimcha qildi media resurs rahbari.
Batafsil | Подробно | Read more... Daryo