Braziliya sport vaziri Olimpiada boshlanguncha Zika virusini yengishga va’da berdi

Braziliya sport vaziri Leonardo Pichchiani Rio-de-Janeyrodagi yozgi Olimpiada o‘yinlari davomida Zika virusini yuqtirib bo‘lmaydi deb hisoblaydi. Bu haqda “Interfaks” xabar berdi .

Foto: “24.kz”

“Virus hozirga qadar to‘liq yengib bo‘linmadi, biroq bu O‘yinlarni bekor qilish uchun sabab emas. Biz barcha choralarni ko‘rmoqdamiz va Jahon sog‘liqni saqlash tashkiloti bilan doimiy aloqadamiz. Oxirgi vaqtda Rioda 43 ta sinov musobaqasini o‘tkazdik. Ularda yetti ming sportchi ishtirok etdi va hech biri virusni yuqtirib olmadi”, — dedi Pichchiani.
“Umuman olganda bemorlarning soni kamaygan. Aprelda ularning soni 4 300 kishini tashkil etgan bo‘lsa, may oyida bu ko‘rsatkich 700 nafardan iborat bo‘ldi. Iyun oyida bu raqam yanada kamayadi, avgustda esa nolgacha tushadi”, — deb ma’lum qildi vazir.
Rio-de-Janeyroda Olimpiada o‘yinlari 2016-yilning 5—21-avgust kunlari bo‘lib o‘tadi.
Batafsil | Подробно | Read more... Daryo