Kanada — O‘zbekiston 2:1. Samvel Babayanning g‘alabali yurishiga Kanada yakun yasab berdi

Futbol bo‘yicha 2018-yil Rossiyada bo‘lib o‘tadigan Jahon Chempionati sari harakat qilayotgan O‘zbekiston milliy terma jamoasi 7-iyun kuni Avstriyada Kanada termasiga qarshi o‘rtoqlik o‘yinida maydonga tushdi.

Foto: Twitter / @CanadaSoccerEn



Kanada — O‘zbekiston 2:1. Matnli onlayn


Bellashuvning 20-daqiqasiga kelib kanadalik futbolchilar Devid Edgarning golidan so‘ng hisobda oldinga chiqib olgan bo‘lsa, ikkinchi bo‘limning 15-daqiqasida Eldor Shomurodov muvozanatni tikladi — 1:1. Bunda “Bunyodkor” a’zosini pas bilan Aleksandr Geynrix ta’minladi.
Biroq o‘zbekistonlik futbolchilar durang natijani saqlab qola olmadi. 80-daqiqaga kelib “Bunyodkor”ning boshqa bir a’zosi Akrom Komilov o‘z darvozasini ishg‘ol qilib, Kanadaning g‘alabasiga qarashib yubordi.
O‘zbekiston milliy terma jamoasi bosh murabbiyi Samvel Babayan bunga qadar ketma-ket sakkiz bellashuvning barchasida zafar quchishga muvaffaq bo‘lgandi. Mutaxassis bosh jamoadagi birinchi mag‘lubiyatini Kanada termasiga qarshi o‘rtoqlik o‘yinida qabul qilib oldi.
Kanadaga qarshi bellashuvda terma jamoaning yetakchi futbolchilari hisoblangan Odil Ahmedov, Sardor Rashidov, Aziz Haydarov, Anzur Ismoilov va Vitaliy Denisov harakat qilmadi. Bu futbolchilarga bosh murabbiy dam berishga qaror qilgan va ular Avstriya safaridan tushib qolgan.
1-sentabr kuni O‘zbekiston terma jamoasi JCh—2018 3-saralash bosqichining 1-turida Suriyani qabul qiladi. Unga qadar terma jamoalar markazi hozircha o‘rtoqlik o‘yini rejalashtirmagan.


JCh—2018 uchun kurash olib borayotganlardan Yaponiya, Eron va Xitoy o‘rtoqlik o‘yinlarida zafar quchdi (video)


O‘zbekistonning JCh yo‘lidagi raqibi Janubiy Koreya Yevro—2016 ishtirokchisini taslim qildi (video)


Xalqaro o‘rtoqlik uchrashuvi
7-iyun, seshanba
Kanada — O‘zbekiston 2:1
Gol: Devid Edgar, 20 (1:0). Eldor Shomurodov, 61 (1:1). Akrom Komilov, 81-avt (2:1).
O‘zbekiston: Aleksandr Lobanov — Davron Hoshimov (Shuhrat Muhammadiyev, 60), Yegor Krimets (Sherzod A’zamov, 46), Islom To‘xtaxo‘jayev, Akrom Komilov — Javohir Sohibov, Otabek Shukurov, Server Jeparov (Jasur Hasanov, 76) — Eldor Shomurodov, Aleksandr Geynrix (Doston Hamdamov, 68), Igor Sergeyev.


So‘rovnoma. Kanada — O‘zbekiston: variantlardan qaysi biri fantastikaga yaqinroq?



Batafsil | Подробно | Read more... Daryo