Kopa Amerika—2016. Kolumbiya chorak finalning birinchi ishtirokchisiga aylandi (video)

AQShda davom etayotgan futbol bo‘yicha Kopa Amerika—2016 musobaqasida chorak finalning birinchi ishtirokchisi aniqlandi. “A” guruhining 2-turida Paragvayni taslim qilgan Kolumbiya terma jamoasi muddatidan avval 1-o‘rinni o‘zi uchun kafolatlab qo‘ydi.

Foto: Marka

Paragvayga qarshi bellashuvning birinchi bo‘limidayoq kolumbiyaliklar ikki bor muvaffaqiyat qozondi. 2-daqiqada Karlos Bakka hisobni ochib bergan bo‘lsa, 30-daqiqada Xames Rodriges o‘z nomini tabloga yozdirib qo‘ydi. Qayd etish kerak, mezbon AQSh terma jamoasiga qarshi ochilish o‘yinida ham “Real” a’zosi Xames Rodriges gol urishga muvaffaq bo‘lgandi.
Uchrashuvning 71-daqiqasiga kelib Viktor Ayyala hisobni 1 taga qisqartirishga erishdi. Biroq bu gol amalda Paragvayni mag‘lubiyatdan qutqarib qololmadi. Qo‘shimchasiga 81-daqiqada Oskar Romero maydondan chetlatilib, paragvaylik futbolchilarni qiyin ahvolda qoldirdi.



Guruhdagi ikkinchi uchrashuvda AQSh Kosta-Rikaga imkoniyat qoldirmadi — 4:0. 9-daqiqada Klint Dempsi penaltidan hisobni ochib bergan bo‘lsa, keyinroq Jeyrmeyn Jons, Bobbi Vud, Grem Zusi kabi futbolchilar ham o‘zini ko‘rsatishga muvaffaq bo‘ldi.



Guruhdagi 3-tur bellashuvlari 12-iyun tonggida bo‘lib o‘tadi. Uning doirasida AQSh va Paragvay terma jamoalari o‘zaro hisob-kitob qilsa, guruh peshqadamligini muddatidan avval qo‘lga kiritgan Kolumbiya Kosta-Rikani imtixon qiladi.
Kopa Amerika—2016
“A” guruhi. 2-tur
8-iyun, chorshanba
Kolumbiya — Paragvay 2:1
Gollar: Karlos Bakka, 12 (1:0). Xames Rodriges, 30 (2:0). Viktor Ayyala, 71 (2:1).
Chetlatish: Oskar Romero, 81 (P).
AQSh — Kosta-Rika 4:0
Gollar: Klint Dempsi, 9-pen (1:0). Jeyrmeyn Jons, 37 (2:0). Bobbi Vud, 42 (3:0). Grem Zusi, 87 (4:0).



O‘
Jamoa
O‘
G‘
D
M
T/N
O


1
Kolumbiya
2
2
2
0
4:2
6


2
AQSh
2
1
0
1
5:2
3


3
Paragvay
2
0
1
1
1:2
1


4
Kosta-Rika
2
0
1
1
0:4
1




Batafsil | Подробно | Read more... Daryo